Роналду тезликни оширди, Месси эса...

Икки ярим йиллик танаффусдан сўнг футбол мухлислари яна Лионель Месси ва Криштиану  Роналду дуэлининг гувоҳи бўлди. Бу гал устунлик португалиялик тўпурар томонида бўлди.

Чемпионлар лигаси гуруҳ баҳсларининг сўнгги турини Каталонияда ўтказган “Ювентус” мезбонларни 3:0 ҳисобида қақшатқич мағлубиятга учратди. Ўйинда иккита гол урган Криштиану Роналду ушбу мусобақада ўзига тегишли бўлган тўпурарлик рекордини яна янгилади. Месси еттита аниқ зарба берган бўлса-да, дарвозани ишғол қилолмади. 

Роналду Чемпионлар лигасидаги жами голлари сонини 134 тага етказиб олди. Месси эса 118 та гол билан иккинчи поғонада бормоқда.

Чемпионлар Лигаси тарихидаги энг яхши тўпурарлар:

1. Криштиану Роналду – 134
2. Лионель Месси – 118
3. Роберт Левандовски – 71
4. Рауль –71
5. Карим Бензема – 67
6. Руд ван Нистелрой – 56
7. Тьерри Анри – 50
8. Андрей Шевченко – 48
9. Златан Иброҳимович –48
10. Томас Мюллер – 47.