Роналдуга Европадан қўнғироқ бўлди

ПСЖ дарвозабони Кейлор Навас “Ан-Наср”га кўчиб ўтган Криштиану Роналдуга қўнғироқ қилиб, Саудия Арабистони жамоаси ҳақида маълумот сўраган.  

Маълумотларга қараганда, “Ан-Наср” 36 ёшли дарвозабонга оғиз солмоқда. Навас ПСЖда биринчи рақамли италиялик Жанлуижи Доннаруммага бой берганидан кейин ўйин амалиётисиз қолиб кетди.  

Коста-рикалик голгипер ўз даврида “Реал”да Криштиану Роналду билан бирга ўйнаган ва ҳамон дўстона муносабатларни сақлаб қолган.

Манбаларнинг таъкидлашича, саудияликлар тажрибали голкиперга уч йиллик шартнома ва мўмай маош таклиф қилмоқда.