Ширер давридаги эски "Ньюкасл" қайтмоқда

"Ньюкасл" Англия чемпионатининг 19-туридан ўрин олган "Арсенал"га қарши ўйинда мағлубиятга учрамади. Баҳсда "канонирлар" устунлик қилган бўлсада, Эдди Хау шогирдлари бир амаллаб 0:0 ҳисобини ушлаб қолди.

Бу билан "Ньюкасл" барча турнирлар доирасидаги мағлубиятсиз серияни кетма-кет ўн бешта ўйинга етказиб олди. Бу даврда улар тўққизта ўйинда ғалаба қозонишга муваффақ бўлишди, олтита баҳс дуранг билан якунланган.

Маълумот учун, 1995 йилнинг декабридан бери жамоада бундай узоқ давом этган мағлубиятсиз серия кузатилмаган эди. Йигирманчи турда "Ньюкасл" ўз уйида "Фулхэм" билан баҳс олиб боради, бу учрашув ўн бешинчи январда бўлиб ўтади.