Шомуродов Коутиньо билан ўйнаши мумкин эди...

“Барселона” плеймейкери ФилиппеКоутиньо тезроқ ўзига янги жамоа топмаса, ўйин амалиётисиз қолиб кетиши мумкин.

Рональд Куман янги мавсумда бразилиялик футболчига ишонч билдирмаслигини айтган. Клуб раҳбарияти ҳам “Ливерпуль”га қўшимча бонус тўламаслик учун ўйинчини сотиб юборишдан манфаатдор.

Шунинг учун футболчининг агенти Киа Журабчиан Коутиньога янги иш жойи топиш мақсадида Италия клубларига мурожаат қилди. Маълумотларга қараганда, машҳур агент “Рома”га Коутиньони олишни таклиф этган. Шунингдек, бундай таклиф “Лацио” ва “Милан” клубларига ҳам берилган.

Италия клублари Филиппе Коутиньонинг маошини кўтара олмаслиги туфайли уни олишни рад этган. Коутиньо йилига 12 миллион евро миқдорида маош олмоқда.