Шомуродовнинг супер рейди эвазига урилган гол "Лацио"га қарши ўйнаган "Женоа"ни мағлубиятдан қутқариб қолди (видео)

Италия А Сериясининг 15-турида ҳамюртимиз Элдор Шомуродов тўп сурадиган “Женоа” ўз майдонида “Лацио”ни қабул қилди.

Ушбу ўйинда кучлар тенг келди – 1:1. Биз учун аҳамиятлиси, генуяликларни мағлубиятдан қутқариб қолган голга Элдор Шомуродов ассистентлик қилди. Ўзбекистонлик футболчи 46-дақиқада Марко Пьяца ўрнига захирадан ўйинга қўшилди ва 58-дақиқада қарши ҳужумда ажойиб рейдни амалга оширди ҳамда жамоадоши Маттиа Дестрога тўпни аниқ оширди. Дестро эса “Лацио” дарвозасини аниқ нишонга олди. Римликларнинг голини Чиро Иммобиле (15') киритди.

Қуйида ушбу учрашувнинг қисқача видеошарҳини томоша қилишингиз мумкин: