“Сити” ва “Челси” 100 млн фунтли трансферни талашмоқда

Катта трансферларга қўникиб қолган “Челси” анчадан бери “Вест Хэм” ярим ҳимоячиси Деклан Райсни ўз таркибида кўришни орзу қилмоқда.

“Вест Хэм” истеъдодли футболчиси трансфер суммасини 100 миллион фунтга кўтарганига қарамай, Райс учун “Манчестер Сити” ҳам даъвогарлик қила бошлади.

Ҳар икки клуб ҳам Райсни якунланиб бораётган ёзги трансферлар вақтида қўлга кирита олмайди. Шу боис, супертрансфер келаси йили ёзда амалга оширилиши кутилмоқда. Хусусан, “Манчестер Сити” мавсум охирида Фернандиньонинг шартномаси тугаганидан кейин унинг ўрнига “Вест Хэм” етакчисини олиб келмоқчи.

Деклан Райснинг ўзи “Челси”да тўп тепишни истаяпти.