"Сити"нинг янги футболчиси 20 дақиқа ўйнаб, жароҳат олди

Айни вақтда Англия кубоги доирасида "Лейтон" - "Манчестер Сити" баҳси давом этмоқда ва "шаҳарликлар" ҳозирча 0:1 ҳисобида имкониятни бой бермоқда. 

Ачинарлиси, мазкур беллашувнинг 20-дақиқасида "Сити" "шаҳарликлар" яқинда ўз таркибига қўшиб олган Нико Гонсалес жароҳат олди. Шунингдек, у гол бўлган эпизодда хато қилганди. 

Маълумот учун, "шаҳарликлар" уни "Порту"дан 60 миллионга сотиб олганди. У таянч ярим ҳимояда Родрига ўринбосар бўлиши кутилаётганди. 

Қайд этиш лозим, ушбу ўйинда легионеримиз Абдуқодир Ҳусанов захирада қолдирилган.