Скалони: "Жамоаларни аввалги жаҳон чемпионати билан солиштириш мантиқсизликдир"

Аргентина терма жамоаси бош мураббийи Лионель Скалони Хорватияга қарши ЖЧ-2022 ярим финал учрашуви олдидан ўз фикрларини билдириб ўтди.

"Бизни жуда савияли жамоага қарши қийин ўйин кутмоқда. Хорватиянинг кучини биламиз, улар ҳар доим якдил ҳаракат қилишади ва бу каби рақибларга қарши ўйнаш ҳар доим қийин бўлган.

Жамоаларни аввалги жаҳон чемпионати билан солиштириш мантиққа тўғри келмайди, деб ўйлайман. Аммо ишончим комилки, бу ўйин қийин бўлади", — дейди Скалони.

Эслатиб ўтамиз, Аргентинанинг Хорватияга қарши баҳси бугун тунда старт олади.