Собиқ рефери "Атлетико" - "Барселона" баҳсидаги бош ҳакамнинг қарори хато эканлигини тушунтирди

Собиқ ҳакам Павел Фернандеснинг фикрича, Сезар Аспиликуэта майдондан четлатилиши керак эди. 

"Атлетико" Испания кубоги ярим финалнинг жавоб баҳсида "Барселона"га имкониятни бой берди (0:1, 4:4). 

6-дақиқада мезбонлар ҳимоячиси Сезар Аспиликуэта меҳмон жамоа вингери Рафинья Диаснинг оёғига ортдан зарба берди ва бунинг учун сариқ карточка олди. 

Учрашув бош ҳаками Хосе Мунуэра Монтеро виедоассистентлар маслаҳати билан эпизодни мониторда кўришга қарор қилди, аммо у қарорини ўзгартирмади ва испаниялик футболчини майдондан четлатмади. 

"Аспиликуэта сариқ карточка олди. Унинг фикрича, бу илк фол. Одатда, илк фол учун сариқ карточка берилмаслигини кўпчилик билади. Бироқ у Рафиньянинг болдирига бутсаларининг тишини ботириб олди. Бу эса қизил. ВАР тўғри аралашди, аммо Монтеро хато қилди", - деб ёзди собиқ ҳакам.