Суперклуб “Реал” юлдузи учун “арзимаган” пул таклиф қилди

Жорий мавсум якунланганидан кейин “Реал”ни тарк этиши мумкин бўлган ўйинчилар орасида Орельен Тчуамени ҳам бор.

Бир неча позицияда ўйнай оладиган бу футболчи кейинги пайтда кўп танқид қилинмоқда. Шунга қарамай, франциялик легионарнинг харидорлари кўп.

Франциянинг амалдаги чемпиони “Пари Сен-Жермен” Тчуаменини ўз таркибига қўшиб олиш бўйича амалий ҳаракатларни бошлади. Парижликлар 25 ёшли ярим ҳимоячи учун “Реал”га 45 миллион евро таклиф қилди. Бундан ташқари, футболчининг натижалари ва иштирокига қараб, турли бонуслар ҳам ажратилиши кўзда тутилган.

Гарчи Орельен Тчуамени “Қироллик клуби”даги фаолияти давомида ишончни кутилган даражада оқлай олмаган бўлса-да, ПСЖ таклиф қилган сумма мадридликларни қониқтирмаслиги мумкин.

Ёзда 100 миллион еврога баҳоланган Тчуаменинг нархи айни пайтда 80 миллион еврога тушган. Парижликлар эса, уни ярим нархига олмоқчи бўляпти.