Тен Хаг МЮдаги шогирдини "Байер"га таклиф қилмоқда

Шведция ҳимоячи Виктор Линделёф "Байер" сафини тўлдириши мумкин. Журналист Флориан Плеттенбергнинг хабарига кўра, Леверкузен клуби 31 ёшли футболчининг номзодини кўриб чиқмоқда, чунки унинг тажрибаси ва етакчилик фазилатларига юқори баҳо берилади.

Қолаверса, "Байер" бош мураббийи Эрик тен Хаг илгари Линделёф билан "Манчестер Юнайтед"да бирга ишлаган. Шу боис, нидерландиялик мутахассис ҳам ушбу трансферни қаршилик кўрсатмасдан розилигини билдирган.

Линделёф ўтган мавсум якунлангач МЮни тарк этган ва ҳозир эркин агент мақомига эга. У 2023/24 йилги мавсумда АПЛда 16 та ўйин ўтказган.