Токио Олимпиадаси юлдузи "Барселона"га ўтиши мумкин

"Барселона" Мемфис Депай билан шартнома имзолаганига қарамай, ҳужумчи қидиришда давом этмоқда. Каталония клуби раҳбарияти Антуан Гризманн ёзда жамоани тарк этган тақдирда, унинг ўрнига муносиб номзод топиб қўймоқчи.

Испаниянинг Diario нашри хабар беришича, "Вулверхэмптон" нинг 24 ёшли ҳужумчиси Рафа Мир каталонияликларнинг янги футболчиларидан бирига айланиши мумкин.

Миш-мишларга кўра, футболчининг агенти Хорхе Мендеш ўз мижозининг хизматларини "кўк-анор ранглилар" раҳбариятига таклиф қилган.

Transfermarkt портали испаниялик футболчини 12 миллион еврога баҳоламоқда, аммо унинг трансфер нархи Токио Олимпиадасидан кейин ошиши мумкин. Кеча Рафа Кот-д'Ивуар терма жамоасига қарши хет-трик қайд этиб, ўз жамоасини мусобақанинг ярим финалига олиб чиқди.