Тьяго Силва: Ёш бу ҳужжатдаги рақам холос

36 ёшли “Челси” ҳимоячиси Тьяго Силва ёши унинг фаолиятида муаммо туғдирмаслигини айтди.

“Жисмоний жиҳатдан ўзимни жуда яхши ҳис қиляпман. Ёш бу ҳужжатдаги рақам холос. Аммо мен жисмонан жуда яхши тайёргарлик кўрганман, мени таниган одамлар ўз ишимга қандай ёндашишимни билади.

Олдин менда Премьер-лигада ўйнаш истаги йўқ эди, чунки бутун ўйин узоқ паслар, тўпни қабул қилишлар ва кучли зарбаларга асосланган эди. Мен ўзимни бу ерда тасаввур қила олмасдим. Вақт ўтиши билан чемпионат жадал ривожланиб бораётганини, бу ерда техникага таянган ўйинчилар жуда кўплигини пайқай бошладим. Бу лигада кўп жамоалар тўпга эгалик қилишга ҳаракат қилади”, - дейди бразилиялик футболчи.

Силва шу ёз ПСЖдан “Челси”га эркин агент сифатида кўчиб ўтди.