УЕФА Суперкубоги финалчиси учун катта йўқотиш

“Аталанта” ҳужумчиси Жанлука Скамакка “Парма” билан кечган ўртоқлик учрашувида жароҳат олиб майдонни тарк этган эди.

 Бергамоликлар маълум қилишича, италиялик форварднинг хочсимон пайлари  узилган. Кўплаб нашрлар 25 ёшли футболчини камида 5 ойга сафдан чиққанини ёзишмоқда.

“Аталанта” 14 август куни УЕФА Суперкубоги финалида “Реал Мадрид”га қарши майдонга тушади.

Скамакка ўтган мавсум 44 та учрашувда 19 гол ва 7 та ассист амалга оширди.