Винисиус: "Реал" — дунёдаги энг катта клуб"

"Реал Мадрид" ва Бразилия терма жамоаси ҳужумчиси Винисиус Жуниор мадридликлар сафида тўп суриш унинг учун қандай аҳамиятга эга эканини таъкидлади:

"Дунёнинг энг катта клуби ва ўз миллий терма жамоам учун шундай юқори даражада ўйнаш ҳамон орзудек туюлади. Менинг ҳаёт йўлим бошқаларни, айниқса мен каби жойлардан чиққан болаларни илҳомлантириши аниқ. Менинг тарихим кимнидир ўз орзуси ортидан боришга ундаши мумкинлигини англаш - мен учун жуда катта аҳамиятга эга.

Ўз жамоам, ватанимни ва оиламни энг йирик майдонларда тақдим этиш - мен буни ҳеч қачон оддий ҳол деб қабул қилмайман", – дея ўз фикрлари билан ўртоқлашди бразилиялик юлдуз футболчи.