Ямал "Барселона" учун ҳақиқий хазина

Каталониянинг "Барселона" клуби собиқ ярим ҳимоячиси Ривалдо жамоанинг 17 ёшли ҳужумчиси Ламин Ямалнинг ўйини ҳақида фикр билдирди.

- Ламин шундай ўйнайдики, уни 25 ёшли тажрибали футболчига ўхшатиш мумкин. Ямалнинг футбол даражасига қойил қолдим.

Бу футболчи каталонияликлар учун ҳақиқий хазина ҳисобланади. Яқин келажакда у дунёнинг энг яхши футболчиси бўлишга даъвогарлик қилади," - деди бразилиялик собиқ футболчи.

Ямал жорий мавсум Испания чемпионатида 19 та ўйинда майдонга тушди. Ҳужумчи бешта гол ва ўнта голли узатмани ўз ҳисобига ёздириб қўйди. Ламиннинг "Барселона" билан шартномаси 2026 йилнинг ярмигача мўлжалланган.