Янги мавсумда Франция чемпионатида нечта жамоа иштирок этади?

Францияда клублар янги 2020/21 йилги мавсум қандай форматда ўтказилиши бўйича якуний қарорга келишди.

RMC Sport нашри тарқатган хабарга кўра, овоз берувчиларнинг 75 фоизи янги мавсумда Лига 1 даги клублар сони ортишига қарши чиққан. Табиийки, қолган 25 фоиз жамоа чемпионатда 22 та клуб иштирок этишини ёқлаб овоз берган. Шу тариқа 2020/21 йилги мавсумда ҳам чемпионатда 20 та клуб иштирок этадиган бўлди.

Эслатиб ўтамиз, бу мавсум Франция чемпионати коронавирус туфайли муддатидан аввал якунланган ва унда ПСЖ чемпион деб эълон қилинган эди.