"Ювентус" ҳужумчиси АПЛнинг гранд клубига йўл олиши мумкин

"Ювентус" ҳужумчиси, канадалик Жонатан Дэвид қишда Англия Премьер-лигасига йўл олиши мумкин.

"TuttoMercatoWeb" хабарига кўра, "Челси" ва "Тоттенхэм" 25 ёшли форвардни қишки трансфер ойнасида олиб келиш имконини кўриб чиқмоқда.

Собиқ "Лилль" футболчиси Турин клубида кутилган даражада ўйин кўрсата олмаяпти, шу сабаб "Ювентус" уни қишда кетиш эҳтимолини кўриб чиқмоқда.

Манбаларга кўра, Дэвид мавсум охиригача ижарага берилиши ҳам мумкин.

Эслатиб ўтамиз, у "Ювентус" сафини ўтган ёзда тўлдирган эди. Шу вақтгача А Серияда 10 та ўйинда майдонга тушиб, битта гол урди ва бир голли пас қайд этди.