АПЛдаги 10 та энг ёмон трансфер эълон қилинди

Нуфузли "Goal" нашри жорий мавсум Англия Премьер-лигасидаги энг ёмон топ-10 трансферлари рўйхатини эълон қилди. Унга кўра, Жоау Феликсининг "Атлетико Мадрид"дан "Челси"га ўтиши мавсумнинг энг омадсиз трансфери бўлди.  

25 ёшли португалиялик ҳужумкор ярим ҳимоячи Жоау Феликс ўтган ёзда "Челси" томонидан 46 миллион фунт эвазига сотиб олинган эди. Бироқ унинг Лондон клубидаги фаолияти кутилганидек бўлмади.

Феликс жорий мавсумда Лондон клуби сафида 20 та ўйинда майдонга тушиб, 7 та гол ва 2 та ассист қайд этди. Бироқ айнан Англия Премьер-лигасида у фақатгина 12 та ўйин ўтказиб, 1 та гол ва 1 та голли узатма билан кифояланди. Қишда эса у ижара асосида Италия клуби "Милан"га йўл олди.

"Goal" версиясига кўра АПЛдаги 10 та энг ёмон трансфер:

1. Жоау Феликс – "Атлетико"дан "Челси"га (46 миллион фунт)

2. Рахим Стерлинг – "Челси"дан "Арсенал"га (ижара)

3. Федерико Кьеза – "Ювентус"дан "Ливерпуль"га (12.5 миллион фунт)

4. Жошуа Зиркзе – "Болонья"дан "Манчестер Юнайтед"га (36.5 миллион фунт)

5. Эдди Нкетиа – "Арсенал"дан "Кристал Пелас"га (30 миллион фунт)

6. Киэран Джузбери-Холл – "Лестер"дан "Челси"га £30 миллион фунт)

7. Эмил Смит-Роу – "Арсенал"дан "Фулхэм"га (34 миллион фунт)

8. Жейдон Санчо – "Манчестер Юнайтед"дан "Челси"га (ижара)

9. Маттайс де Лигт – "Бавария"дан "Манчестер Юнайтед"га (43 миллион фунт)

10. Иан Матсен – "Челси"дан "Астон Вилла"га (37.5 миллион фунт)