«Ливерпуль»да янги можаро юз бермоқда?!

«Ливерпуль» клуби «Челси» жамоаси билан ўйинда минимал ҳисобда мағлуб бўлди. Клуб мухлислари жамоадаги инқирознинг асосий сабаби нимада эканлиги борасида фикр юритишни бошлаб юборди. Томас Тухель шогирдлари «Энфилд»да ғалаба қозонди. Шу йўсинда, «Челси» мағлубиятсиз ўйинлар сериясини 10 тага етказиб олди. Мерсисайдликлар эса, 7-поғонага тушиб кетди. Бунга «Тоттенхэм» ва «Эвертон»нинг ўз ўйинларида 3 очко ишлаб олгани асосий сабаб бўлди. Шунингдек, Жозе Моуриньонинг «Тоттенхэм»и ҳам «Ливерпуль»га анча яқинлашиб олди. "Ўтган мавсум йўлидан чиққан барчани “янчиб” ташлаётган «қизиллар»га нима бўлди?", деган ўринли савол пайдо бўлиши аниқ. Келинг, «аристократлар» билан ўйинда бўлиб ўтган воқеаларни ёдга оламиз.

okjrkoytjj

Ўтган мавсум сайёрамизнинг энг кучли дарвозабонларидан бири бўлган Алиссон Беккер яна қўпол хатога йўл қўйди. Яхшиямки, Тимо Вернер урган гол инобатга олинмади. Ўз дарвозасини ноўрин тарк этган посбон сал бўлмаса, ўйиннинг антиқаҳрамонига айланар эди.

Амалдаги чемпионлар сафида “жавлон урган” Садио Мане ҳам сира ўзига кела олмаяпти. Қаҳрамонимиз январь ойидан бери гол киритишни уддалай олгани йўқ. АПЛ баҳсларида энг кўп гол урган (17) Муҳаммад Салоҳ сўнгги ўйинларда захирага олиниши одатий тусга кирмоқда. У «Челси»га қарши ўйиннинг 62-дақиқасида ўз ўрнини Алекс Окслейд-Чемберленга бўшатиб берди. Ҳужумчи майдонни тарк этар экан, норози эканлигини яшириб ўтиргани йўқ.

Ўйиндан сўнг, журналистлар ушбу воқеа борасида изоҳ талаб этгач, Клопп жуда содда жавоб қайтарди:

“Мен «Бобби»ни ёки «Мо»ни захирага олишим керак эди. Эътибор бериб қарасам, Салоҳ анча асабий кўринмоқда. Таваккал қилишни истамадим ва уни ўйиндан олдим”.

Изоҳ тушунарли бўлишига қарамай, Миср терма жамоаси сардорининг агенти Рами Аббас оловга “ўтин қалади”. У ўз мижозининг инглиз клуби билан келажаги борасида гаплашиб олиши кераклиги ҳақида каттагина пост қолдирди. Бу сўзлар 10 мингдан ортиқ мухлислар томонидан муҳокама қилинди.

Очиғи, ҳозир «Ливерпуль»га бундай воқеалар ортиқча. Ўзи шундоқ ҳам Виржил ван Дейкнинг йўқлиги етарлича муаммо келтириб чиқармоқда. Боз устига, Жордан Хендерсон ҳам лазератда. Жоэль Матип ва Жо Гомеснинг жароҳати жамоани тажрибасиз йигитларни майдонга туширишга мажбур қилмоқда. Агар Салаҳ ҳам жамоага бошоғриқ бўлса, «Ливерпуль» бутунлай «сочилиб» кетиши ҳеч гап эмас.

krthkortkhrth

Ўзи шундоқ ҳам ишлар пачава. Клуб ўтган мавсум 29 турда 79 очко ишлаб олган эди. Ҳозир атиги 43 балл мавжуд, холос. «Энфилд»даги мағлубиятли ўйинлар серияси 5 ўйинга қадар чўзилди. Энг ачинарлиси шундаки, ушбу учрашувлар ичида клуб атиги бир бор гол киритди. У ҳам бўлса 11 метрлик жарима зарбаси ёрдамида. «Энфилд»даги 5 та баҳсда клуб амалдаги чемпионга ўхшамади. 2021 йилда клубда нимадир ишдан чиққани яққол кўзга ташланишни бошлади. "Қизиллар" янги йилда 14 бор майдонга тушган бўлса, уларнинг 8 тасида мағлубият аламини тотиб кўришга мажбур бўлди. АПЛ тарихида бирорта амалдаги чемпион бу қадар омадсиз мавсум ўтказмаган. Бу статистик маълумотлар гранд клублар учун фалокат, дегани. Сўзларимизни клуб афсонаси Жейми Каррагер ҳам тасдиқлаши мумкин. Собиқ футболчи ўзининг сўнгги интервьюларидан бирида «Энфилд»даги омадсизликлар ҳақида фикр билдирди:

“Тўғриси, муаммо тизимда эмас. Шунингдек, «Энфилд»ни ҳам бунда айблаш ноўрин. Ҳаммаси трансфер ойнаси очиқ пайтда керакли футболчилар учун пул сарфланмаганида. Бўш нуқталар бор эканлигини кўриб туриб қандай кўз юмиб юборишди? Ҳозирги жамоага эътибор берар эканман, гол киритишнинг нега қийинлашиб кетганини англагандекман. Олдинги ва ҳимоя чизиқларда кадрлар билан муаммолар мавжуд".

Кейинроқ, Юрген Клопп ўз уйидаги кетма-кет 5 мағлубият ҳақида фикр билдирди:

«Биз ҳаммасини тўғри амалга оширяпмиз, аммо якун панд бермоқда. Жамоамизда керакли нуқтада пайдо бўлиши керак бўлган футболчилар маҳоратини ишга солмаяпти. Бу биз учун оғир зарба, лекин ҳаммаси тугагани йўқ. Биз ўз ўйинларимизда ғалаба қозонишга эътибор беришимиз керак»

jyulplyukpyluklyulky

Мураббий ўз шогирдларини ҳимоя қилиш мақсадида айтган сўзларида жон бор, бироқ муаммонинг ечими нимада? Қандай қилиб ўтган мавсум дарвозабонларнинг тушига кириб чиққан ҳужум учлиги бу қадар омадсизликка учраши мумкин? Истаймизми йўқми, ҳаммаси Юрген Клоппнинг фалсафаси учун ижрочиларнинг етишмаётгани билан боғлиқ. Мураббий истаган прессингга таянган агрессив футболни асосий фигураларсиз амалга оширишнинг имкони йўқ. Виржил, Жордан, Жоэль, Жо ва бошқаларнинг лазаретга бир пайтда равона бўлгани, мерсисайдликларга панд бериб қўйди. Боз устига, мавсумолди тайёргарликлар учун вақт жуда оз бўлгани ҳам роль ижро этди. 90 дақиқа давомида тўлиқ куч билан тўп суришни талаб этувчи интенсив футболни кўрсатиш учун узун захира ва етакчилар керак. Катта эҳтимол билан, Юрген Клоппда захира режаси мавжуд эмас. Шу боис, у ижрочиларнинг даражасидан келиб чиқиб вазиятга мослашгани йўқ. Ўзи ўрганган, натижа берган 4-3-3дан воз кечмаяпти. Агар ишлар шу темпда давом этса, клуб мавсумни барбод қилиб қўйиши ҳеч гап эмас.

Матнда хатолик топсангиз, ўша хатони белгилаб, бизга жўнатинг (Ctrl + Enter)