20 ёшли теннисчи қиз илк совринга эга бўлди

 

 

 

Хитойнинг Шэньчжэнь шаҳрида аёллар ўртасида ўтказилган халқаро теннис турнирида 20 ёшли Катерина Синякова ғолиб чиқди.

 

Чехиялик истеъдодли теннисчи финал учрашувида саккизинчи рақамда сараланган америкалик Элисон Риске билан беллашди. Бир соату 17 дақиқа давом этган ўйинда Катерина 6:3, 6:4 ҳисобида зафар қучди.

 

 

Бу соврин Катерина Синякованинг фаолиятидаги дастлабкиси бўлди.