Albina bosh sovrin uchun kurashadigan bo‘ldi
Xalqaro tennis federatsiyasi musobaqalari taqvimiga kiritilgan ayollar o‘rtasidagi turnirda hamyurtimiz Albina Xabibulina saralash bahslaridan muvaffaqiyatli o‘tdi.
Qozog‘istondagi turnirning asosiy to‘riga chiqish uchun o‘tkazilgan o‘yinlarning dastlabkisida Latviya tennischisi Anastasiya Xomutova ustidan 6:2, 3:6, 6:2 hisobida g‘alaba qozongan Albina ikkinchi davrada belaruslik Viktoriya Mun bilan kuch sinashdi.
Bu uchrashuv to‘liq hamyurtimiz ustunligida o‘tdi va 6:4, 6:2 hisobida yakunlandi.
Endi asosiy to‘r bahslariga qo‘shilgan Albina Xabibulina mezbonlar vakilasi Aleksandra Grinchishina bilan o‘ynadi.
Shuningdek, birinchi davrada o‘zbekistonlik tennischilardan Arina Folts rossiyalik Alina Silichga, Kamola Umarova Rossiyaning yana bir vakilasi Aleksandra Pospelovaga qarshi kortga chiqadi.
Fikrlar