“Australian open-2017”: Ustoz shogirdni ayamadi
Uchrashuv ancha keskin va murosasiz ruhda o‘tdi. Dastlabki ikki setda tajribali Rojer Federer 7:5, 6:3 hisobida zafar quchdi. Keyingi ikki partiya yosh va baquvvat bo‘lgan Vavrinkaning 1:6, 4:6 hisobidagi g‘alabasi bilan yakunlandi.
"Katta dubulg‘a" turkumiga kiruvchi Avstraliya ochiq chempionatining erkaklar o‘rtasidagi bellashuvlari yarim finalida ikki shveytsariyalik tennischi - Rojer Federer va Stanislas Vavrinka kuch sinashdi.
hal qiluvchi raund oldidan ko‘pchilik Federerni toliqib qolganini ayta boshladi. Biroq, o‘z vaqtida jahonning birinchi raqamli tennischisi bo‘lgan Rojer hali-beri yoshlarga yo‘l bo‘shatmasligini isbotladi. Tajribali tennischi oxirgi setda Vavrinkani 6:3 hisobida dog‘da qoldirdi.
Ilgari tennis masalasida Federerdan ko‘p narsa o‘rgangan Vavrinka esa ustozi hamon o‘zidan kuchli ekanini tan oldi va finalga o‘tkazib yubordi.
Fikrlar