"Бавария", "Ювентус" ва "Лион" кучли бешлик чемпионатларининг рекордчиси ҳисобланади

“Бавария” олтинчи марта кетма-кет Германия чемпионига айланди. Мюнхенликлар миллий чемпионатнинг 29-турида “Аугсбург”ни (4:1) мағлуб этиб ушбу натижага эришди.

Бу “Бавария” тарихида 28-мамлакат чемпионлиги ҳисобланади. Рўйхатнинг иккинчи ўрнида “Нюрнберг” бормоқда. Мазкур жамоа 9 марта Германия чемпионига айланган.

Клуб расмий сайтининг маълум қилишича, шу вақтгача “Бавария”дан ташқари бирорта жамоа уч марта кетма-кет чемпионликни қўлга киритмаган.

Бу кучли бешлик чемпионатларда (Испания, Англия, Германия, Италия ва Франция) фақатгина “Лион” 7 марта (2002-2008 йиллар) узлуксиз ғолибликни қўлга киритган. “Ювентус” бу мавсум “А” серияда чемпионликка яқин турибди. Туринликлар бу билан 7-марта кетма-кет Италия чемпиони бўлиши мумкин.