Буффон “А” серияда Тоттининг натижасини такрорлади

Туриннинг “Ювентус” клуби дарвозабони Жанлуижи Буффон Италия чемпионатидаги 612-ўйинини ўтказди. 39 ёшли посбон бу билан “Рома” етакчиси Франческо Тоттининг “А” сериядаги натижасига етиб олди.

Ҳар икки футболчи бу борадаги натижаларини яхшилаш имкониятини сақлаб турибди. Мазкур рўйхатни Миланнинг “Интер” клуби собиқ сардори Хавьер Занетти (615 ўйин) ҳамда “Милан”нинг афсонавий ҳимоячиларидан бири Паоло Мальдини (647 ўйин) бошқариб боришмоқда.

Эслатиб ўтамиз, Тотти Буффондан 1,5 ёш катта.