Чалханоглу қишда
Ads

"Милан" ярим ҳимоячиси Хакан Чалханоглу жамоадан кетишга яқин турибди.

Goal.com тарқатган хабарга кўра "россонерилар" қишда жамоанинг бўлажак аъзоси Лукас Пакета учун таркибда жой бўшатиш мақсадида туркиялик футболчини сотиб юборишни режалаштирмоқда.

Чалханоглуга Германиянинг икки клуби - "Айнтрахт" ҳамда "РБ Лейпциг"дан жиддий қизиқишлар бўлмоқда. Таъкидлаш керакки, Чалханоглу учун Бундеслига бегона эмас. Боиси, у “Милан” сафига Леверкузеннинг “Байер” клубидан кўчиб ўтган эди.

Маълумот учун, Чалханоглу жорий мавсум “Милан” сафида жами 11та ўйинда майдонга тушди ва жамоасининг 4та голига ассистентлик қилишга эришди.