Ҳусановга қийин ўйинда неча балл қўйилди?

Ўзбекистон миллий терма жамоаси ҳимоячиси Абдуқодир Ҳусановнинг Англия Премьер-лигаси доирасида «Манчестер Сити»нинг «Ипсвич»га қарши уй учрашувида иштирок этди. 22 ёшли футболчининг ўйини Flashscore томонидан баҳоланди. 

Ҳусанов майдонга 77-дақиқада захирадан туширилди ва учрашув охиригача тўп сурди. Ўзбек ҳимоячиси жароҳат олган Матеуш Нуньеш ўрнини эгаллади ва ҳимоянинг шнг қанотида тўп тепди. 

Статистик платформа унинг ҳаракатларини 6,4 баллга баҳолади. Худди шу кўрсаткичга дарвозабон Жанлуижи Доннарумма ҳамда ҳимоячи Нико О’Райли ҳам эга бўлди. 

Жамоа таркибидаги энг паст баҳони Антуан Семеньо олди — 6,3 балл. У ҳам Ҳусанов каби 77-дақиқада ўйинга қўшилганди. Бироқ тажрибали футболчи ўйинга етарли даражада таъсир ўтказа олмади. 

Flashscore талқинига кўра, учрашувнинг энг яхши ўйинчиси иккита гол урган Эрлинг Холанд бўлди. У 9,3 балл тўплади. Матео Ковачич ва Фил Фоден эса 8,4 баллдан қайд этди.

Учрашув «Манчестер Сити»нинг 3:2 ҳисобидаги ғалабаси билан якунланди. Мезбонлар сафида голлар муаллифлари: Фил Фоден — 19-дақиқада, Эрлинг Холанд — 34 ва 69-дақиқалар. 

«Ипсвич» таркибида Дайдзэн Маэда 21-дақиқада ўз жамоасига гол уриб берди, Зиан Флемминг эса 90-дақиқада пенальтини аниқ амалга оширди.

Ушбу ғалабадан сўнг «Манчестер Сити» 21 очко билан Премьер-лига турнир жадвалида пешқадамликни сақлаб қолмоқда. «Ипсвич» эса тўплаган 9 очкоси билан ҳозирча ўнинчи поғонада жойлашган.

Кутилмаганда майдонга тушган Ҳусановнинг ўйини қандай баҳоланди?