Денис Истомин рейтингда кўтарилмоқда
Профессионал теннисчилар уюшмаси - АТР дунёдаги ракетка усталарининг навбатдаги рейтинг жадвалини эълон қилди.
Ушбу рейтинг жадвалда Ўзбекистоннинг биринчи рақамли теннисчиси Денис Истомин уч поғона юқорилаб, 77- ўринда қайд этилди.
Январь ойида "Катта дубулға" туркумига кирувчи Австралия очиқ чемпионатидаги ажойиб ўйинидан кейин Денис Истомин 3-5 февраль кунлари Дэвис кубоги биринчи гуруҳи Осиё-Океания минтақасида Ўзбекистон - Жанубий Корея учрашувида қатнашди.
Етакчи теннисчимиз Дэвис кубогида икки марта яккалик ва бир марта жуфтлик беллашувларида зафар қучиб, терма жамоасининг 3:1 ҳисобидаги ғалабасини таъминлади.
Фикрлар