Гамбург-2017: Ҳасанбой Дўсматов илк финалчимиз!

Бугун Германиянинг Гамбург шаҳри мезбонлик қилаётган бокс бўйича жаҳон чемпионати ярим финал беллашувларига старт берилди.

Ушбу мусобақанинг энг енгил вазн тоифасида (49 кг) рингга кўтарилган ҳамюртимиз Ҳасанбой Дўсматов навбатдаги жангини Рио-2016 финалидаги рақиби колумбиялик Юбержен Мартинесга қарши ўтказди.

Ўзига хос ушбу реванш жангида ҳамюртимиз катта устунлик билан рақибини мағлуб этди - 5:0.

Шу тариқа, Ҳасанбой ушбу жаҳон биринчилигида финал  чиққан илк ўзбекистонлик боксчига айланди.

Энди боксчимиз кубалик Йоанис Аргилагос билан олтин медаль учун баҳс олиб боради.