Истомин бугун кортга чиқади
Ўзбекистоннинг биринчи рақамли ракетка устаси Денис Истомин Австралия очиқ чемпионати ва Дэвис кубогидаги муваффақиятли ўйинларидан сўнг Нидерландияда ташкил этилган "ABN AMRO World Tennis Tournament - 2017" халқаро турнирида иштирок этаётгани ҳақида хабар берган эдик.
Дунёнинг етакчи теннисчилари қатнашаётган мукофот жамғармаси 1 837 394 АҚШ доллари бўлган турнирнинг саралаш баҳсларида Денис Истомин дастлабки учрашувини ўтказади.
Ҳамюртимиз мусобақани иккинчи даврадан бошлайди. Унинг рақиби биринчи босқичда мезбонлар вакили Нилс Луцмани 6:3, 6:3 ҳисобида мағлубиятга учратган британиялик Аляз Бедене бўлади.
Денис Истомин бу теннисчи билан 2015 йили Москва шаҳридаги "Kremlin Cup" турнирида ўзаро тўқнаш келган ва 6:3, 6:3 ҳисобида зафар қучган.
Фикрлар