Марко Ройс Бундеслиганинг сентябрь ойидаги энг яхши футболчиси деб топилди

Дортмунднинг "Боруссия" клуби вингери Марко Ройс ўтган сентябрь ойида Бундеслиганинг энг яхши футболчиси деб топилди. Бу ҳақда мусобақа расмий сайти хабар бермоқда.

29 ёшли футболчи бу борада Алассан Плеа, Торган Азар (иккаласи - "Боруссия М"), Онжея Дуду ("Герта"), Макса Крузе ("Вердер") ҳамда Тимо Вернер ("РБ Лейпциг") каби футболчиларни ортда қолдиришга эришди.

Маълумот учун, Ройс ўтган сентябрь ойида Бундеслигада 4та ўйинда иштирок этди ва ўз ҳисобига 3та гол ҳамда 3та голли узатма ёздириб қўйишга эришди.