Murod Xonto‘raev engildi, raqibi undan uzr so‘radi (Video)

O‘zbekistonlik MMA jangchisi Murod Xonto‘raev Qozog‘istonning Ostona shahrida professional faoliyatidagi 9-jangini o‘tkazdi.

Bu safar 30 yoshli hamyurtimizga ukrainalik Oleg Protsenko qarshilik qildi. Protsenko mazkur jangga qadar MMAda 12 ta jang o‘tkazib, 8 ta g‘alaba va 4 ta mag‘lubiyat qayd etgandi.

Jangni anchagina faol boshlagan va raqibiga etarlicha muammolar tug‘dirgan Murod Xonto‘raev 1-raund yakunlanib borayotgan vaqtda raqibi tomonidan yiqitildi va ukrainalik jangchi bo‘g‘ish usuli bilan g‘alaba qozondi.

Ma’lumot uchun, “Osiyo ayig‘i” nomi bilan tanilgan Murod Xonto‘raev MMAda jami 9 ta jang o‘tkazib, 7 ta g‘alaba va bugungi bilan 2 ta mag‘lubiyat qayd etgan.