Новак Жокович: Роналду билан суҳбатлаша олмаганимдан афсусдаман

Cербиялик теннисчи Новак Жокович Лондонда ўтаётган АТP якуний турниридаги ўйинига португалиялик Криштиану Роналду келгани ҳақида шундай деди:

Мен Роналдунинг ҳозирги жамоаси – “Ювентус”нинг либоси рангини акс эттирувчи спорт кийимида кортга тушмоқдаман. Балки, шу сабабли ҳам у ўйинимни кузатгани келган. Унинг ташрифи мени ва барча теннис иҳлосмандларини қувонтирди.

Роналду ўн йилликнинг энг машҳур спортчиларидан биридир. Унинг бизнинг спорт турига қизиқиши ва иштироки теннисни янада оммалаштиради. Унинг кортга келгани жуда яхши, афсуски, мен у билан учраша олмадим.