Нурсултон Рўзибоев чемпионлик камарини ҳимоя қилди

Аралаш яккакураш жанг санъатлари устаси Нурсултон Рўзибоев (20-5-1) ўзининг навбатдаги жангини Қирғизистоннинг Бишкек шаҳрида ўтказди.

Ўрта вазн тоифасида WEF GLOBAL чемпионлик камарининг амалдаги соҳиби ушбу ҳимоя жангда тажрибали енгилмас жангчи бразилиялик Маркос Соуза (7-0-0) билан куч синашди.

Муросасиз кечган жангда спортчимизнинг муддатидан олдин жангни якунлашга муваффақ бўлди. Шундай қилиб, Нурсултон чемпионлик камарини ўзида сақлаб қолди.