Обамеянг "Арсенал"да собиқ жамоадошини кўрмоқчи

Лондоннинг “Арсенал” клуби форварди Пьер-Эмерик Обамеянг “канонирлар” раҳбариятидан "Барселона" ҳужумчиси Усмон Дембелени сотиб олишни сўраб мурожаат қилди. Бу ҳақда Tribalfootball нашри хабар бермоқда.

Унга кўра габонлик футболчи “Боруссия”даги собиқ жамоадошининг ўйинлари “Арсенал”га жуда мос келишига ишонмоқда. Таъкидлаш лозимки, Дембелега бундан аввалроқ “Атлетико” Мадрид ҳамда “Ливерпуль” каби жамоалар ҳам қизиқиш билдираётгани ҳақида хабарлар тарқалган эди.

Эслатиб ўтиш лозимки, 20 ёшли франциялик футболчи “Барселона” сафига ўтган йилнинг ёзида 105 млн евро эвазига “Боруссия” Дортмунддан келиб қўшилган эди.