Қўлни кўтаринг жаноб Купер!
Терма жамоамиз Осиё кубогида кутилган ўйинларни кўрсата олмади. Натижа учун эса биринчи рақамли айбдор мураббий ҳисобланади. Демак, терма жамоамизнинг муваффақиятсизликларида ягона айбдор бу шубҳасиз Эктор Купер.
.jpg?1544105627245)
2018 йил 6 август. Эктор Купер иштирокидаги илк матбуот анжумани.
КУПЕР СЎЗИНИНГ УСТИДАН ЧИҚДИ
Журналист: Ўйин фалсафангиз қанақа: футболчиларга қараб тактика танлайсизми, ёки ўйин услубингизни футболчиларга сингдирасизми?
Купер: Олдинроқ айтиб ўтганимдек, бу адаптация жараёнига боғлиқ. Агар футболчилар менинг фалсафамга муносиб бўла олишмаса уларга кўникишга мажбурман.
Ҳа, жаноб Купер ўз сўзида турди ва футболчиларимизнинг ўйин услубига кўникди. Соддароқ қилиб айтсак уни ҳам “ўзбекчалаштириб” юбордик. Аслида эса бизга ўйинимизни яхши томонга ўзгартирадиган, ўз услуби ва ғояларига эга мураббий керак эди.
Назаримда ўйин услубимиз ҳали ҳам Бабаян давридагидек: ягона ҳужумчи, қолган барча ҳимояда. Омадимиз келиб рақиб хато қилса ундан фойдаланишимиз мумкин, акс ҳолда қандай натижа қайд этишимиз аниқ. Бироқ, Куперга Сергеев ва Лобановларни термага чақирмагани учун алоҳида раҳмат айтсак арзийди. Ҳа, фақат ўша футболчиларни чақирмагани учун миннатдорчилик билдирамиз, бошқасига эмас.
КУПЕР ЁЛҒОНЧИ
Журналист: Январь ойида Осиё Кубоги бўлади. терма жамоамиздан яхши натижа кутишимиз мумкинми?
Купер: Ҳозир футболчилар билан танишиш жараёни бошланди. Албатта катта мақсад ва ишонч бор. Ўзбекистон терма жамоаси билан кўзланган мақсадга эриша олишимга ишонганим учун ҳам бу чорловни қабул қилдим. Акс ҳолда бу ерга келмасдим.
Аргентиналик мутахассис ҳали ҳам футболчиларимиз билан танишиб улгурмадими? Ёки ярим йил оз муддатми? Купер илк матбуот анжуманида гапирган гапларини эслармикин? Ўртоқлик ўйинларидаги шармандали мағлубиятларга чидагандик, лекин...Лекин, Осиё кубогидаги нурсиз ўйинлар тоқатимизни тоқ қилгани рост.
Купернинг Ўзбекистондаги мақсади фақатгина мўмай даромад қилиш кўринади. Бу ерда бошқа нарсани кўрмаяпман.
.jpg)
ҚЎЛНИ КЎТАРИНГ ЖАНОБ КУПЕР!
Купер: Мен натижа яхши бўлавермаса ҳам ишлайдиган мураббий эмасман. Агар натижа ўхшамаса, унда ўзим раҳбариятга қўл бераман ва уйга кетаман. Муаммо йўқ.
Айни дамда бутун Ўзбекистон халқининг орзу-умидларини барбод қилганингизни биласизми жаноб Купер? Агар заррача буни ҳис қилаётган бўлсангиз ўзингиз айтгандек қўлни кўтариб уйга жўнанг!
У ТЕРМА ЖАМОАМИЗНИ МУНДИАЛГА ОЛИБ ЧИҚИШГА ВАЪДА БЕРМАГАН
Журналист: Жаҳон чемпионати йўлланмасини қўлга киритишга ваъда бера оласизми?
Купер: Футболда барча нарса бўлиши мумкин. Лекин мен Ўзбекистон терма жамоасини мундиалга олиб чиқишга аниқ ваъда бера олмайман. Шуни ваъда бераманки, бу йўлда бор билим ва салоҳиятимни ишга соламан.
Сизнинг қўлингиздан нималар келишини Осиё кубогида кўрдик ва ўйлаб ҳам қолдик, балким Бабаян бўлганида нисбатан яхшироқ иштирок этармидик...
Бундай иштирокдан сўнг терма жамоамизнинг жаҳон чемпионатига чиқиши катта сўроқ остида қолгани шубҳасиз. Агар терма жамоамиз Купер бошқарувида қолса ва саралашда муваффақиятсизликка учраса, Купер пинагини ҳам бузмайди. Чунки, у бизни 2018 йилнинг 6 августидаёқ бу ҳақда огоҳлантирган.
ХУЛОСА
Купер аввал бошида кўпчилик мутахассислар айтганидек бизга мос мураббий бўлиб чиқмади. Унинг футболга нисбатан қарашлари худди ёши каби анча эскириб қолган. Шиддат билан ривожланиб бораётган бу даврда футбол ҳам кундан-кунга ўзгариб бормоқда. Бизга эса замонавий фикрлайдиган, футболимизга янгилик олиб кирадиган мутахассис керак.
Бу ерда футбол ассоциациясини ҳам айбламоқчи эмасмиз. Шунчаки барчасини ўзгартириш учун ҳали ҳам кеч эмаслигини айтмоқчимиз холос. Футбол – мухлислар учун. Мухлислар эса доимо ўз терма жамоасидан юқори натижаларни кутишади.
Фикрлар
Kamiga babayandi maqtabxam qoyadi sergeev lobanov andreevlar babayandi bolasi desag jurnalist bollariam borakanu babayandi
100% qo'shilaman
yana bizga faqat omad yetishmadi ham dep qoyishardi yutqazsak.
bu bolmagan gaplar hammasi,
avvallari hujumga ko'p o'tardik(agar buni hujum deb atab bo'lsa) to'pni unga bunga orqaga uzatib na zarba bilan tugardi na yorib kira olardik faqat vaqt o'tkardik, yana pastlardagi aniqlik dabdala edi. hozir ancha o'yinga ma'no qo'shilgan. o'sha o'g'iz ko'pirtiruvchi lar Yaponiya bn oyinda biz yaxshi o'ynadik deyishi turgan gap. vaxolangki 18.01.19 kungi o'yinda yaponlar o'yinni nazorat qildi va yutdi.
lekin Australiya bn oyinda zo'r oynadik Aus. ning treneri ham bizdan bunaqa o'yin kutmovdi ular bizdan yaponiya bn oyindagi oyinni kutgandi va shogirtlarini qarshi hujumlarga tayyorladi, Kuperni ayyorligiga qarang yaponiya bn chalg'ituvchi taktika qilib australiyani dovdiratib qo'ydi va australiyaga qarshi hujum taktikasini qo'ydi.
lekin shu o'yinda 2 ta hujumchi Shomurodov o'ng, Rashidov chap da o'ynasa zo'r bo'lardi manimcha qolganla 2 qator italyancha himoya
bunda australiyani 90 min da yutish mumkin edi menimcha, 1 ta hujumchi yolg'iz hech nima qila olmadi
Мен ким бошқариши, ким ўйнаши кераклиги ҳақида гапирмоқчи эмасман.
Янги келадими эски ўйнайдими фарқи йўқ. Охиригача зўр ўйнади,назоратда устунлик қилди ва ҳ.к. гаплар эскирди.
Агар зўр ўйнаган бўлганда ютарди. Го ур тамом бассалом. Футболда бошқа ҳар қандай гап ортиқча. Бутунлай ҳимояга ётиб ўйнамайсанми. Ют кк эди бўлди!
Кореяни 1994 йилда ютганмиз. Ўтган асрдааа! Японияни 10 йилча бир марта ютганмиз холос. Ўшанда гол урган футболчи ҳам оламдан ўтиб кетди кўп ўтмай.
Корея, Япония ва Австралияни юта олмаётган эканмиз, ўзгариш бўлаётганию, ўсиш бўляпти деб бонг уришдан фойда йўқ.
Uzb termasidan avvalgidek hafsalasi pir bo'madi yaxshi o'ynadi, yutqazdi. odamlar o'yinni ko'rdi xech kimni ayblamadi. bi mag'lubiyat bo'lsa ham odamlar Uzb termasiga ishonchi ortdi, ertadan ko'ngli to'ldi endi Australiyaniyam yutishi mumkinligini ko'rdi
Kuper kelgandan keyin futbolchilarning o'yini ancha o'sgan ayniqsa Australiyaga qarshi o'yin eng yaxshi o'yin bo'ldi
o'yinda ma'no bor nima qilayotganini biladi. hujum qilyaptimi haqiqiy hujum, himoyami himoya, endi to'g'ri men ham bir ikki o'zgarish qilsa yaxshi bo'ladi deb o'ylagan edim lekin umuman olganda kuper malades
келса Узб ни осиёда хакикий гранд килади