Ярмоленко "Вест Хэм" қароргоҳига етиб келди

Дортмунднинг “Боруссия” клуби форварди Андрей Ярмоленко яқин вақтлар ичида "Вест Хэм" аъзосига айланиши мумкин.

Sky Sports тарқатган хабарга кўра 28 ёшли украиналик футболчи айни дамда янги мавсумга тайёргарлик кўраётган “болғачилар”нинг Швейцариядаги қароргоҳига етиб келган. У бу ерда тиббий кўрикдан ўтади ва янги жамоаси билан шартнома имзолайди.

Берилган маълумотларга қараганда “Вест Хэм” Ярмоленко учун “Боруссия”га 20 млн евро тўлайди.

Эслатиб ўтамиз, Ярмоленко дортмундликлар сафига бундан бир йил муқаддам “Динамо” Киевдан 25 млн евро эвазига келиб қўшилган эди.