А Серия аутсайдери Себальосни сотиб олади

«Бока Хуниорс» жамоасида тўп суриб келаётган 24 ёшли аргентиналик ярим ҳимоячи Эсекьель Себальос фаолиятини Италия чемпионатида давом эттиради.

Футбол бўйича инсайдер Фабрицио Романо хабарига кўра, тезкор ҳужумчи учун янги манзил «Монца» клуби бўлади. Италия жамоаси Себальос трансфери юзасидан келишувга эришган. 

«Монца» аргентиналик футболчининг ўтиши учун тўрт миллион евро тўлайди. Яқин кунларда Эсекьель тиббий кўрикдан ўтиб, янги клуби билан шартнома имзолаши кутилмоқда.

Янги мавсумда «Монца» А Серияда икки ўйин ўтказди, аммо ҳалигача очко тўплай олгани йўқ. Жамоа турнир жадвалида охиридан иккинчи ўринни эгаллаб турибди. Клубнинг навбатдаги учрашуви жорий йил 6 сентябрь, якшанба куни сафарда «Парма»га қарши ўйинда бўлиб ўтади.