А Сериянинг энг яхши тўпурари севги туфайли Германияга йўл олиши мумкин

"Наполи" ҳужумчиси Виктор Осимхен севгилиси туфайли "Бавария"га ўтишга рози бўлиши мумкин. Футболчининг севгилиси Стефани германиялик ва у ватанига қайтишга қарши эмас. Бу ҳақда журналист Кристиан Фальк ўзининг ижтимоий тармоқлардаги саҳифасида хабар берди.

Эслатиб ўтамиз, Осимхенда фаолиятини "Челси" ёки "Манчестер Юнайтед"да давом эттириш имкониятлари ҳам бор. Нигериялик футболчи Англия Премьер-лигасида ўйнашни орзу қилади, аммо "Бавария"га ўтишга ҳам рози. Аммо мюнхенликлар ҳали ҳам “Наполи” сўраётган 150 миллион еврони тўлашга тайёр эмас.

Осимхен жорий мавсум А Серияда 21 та гол урди. Нигериялик футболчи ҳозирча Италия чемпионатининг ушбу мавсумида энг яхши тўпурар бўлиб турибди.