Афсонавий боксчи 87 ёшида вафот этди

Ўтган асрнинг 60-70 йилларида ўрта вазн тоифасида собиқ жаҳон чемпиони Нино Бенвенути 87 ёшида оламдан ўтди. Нафақат спортчи, балки актёр сифатида ҳам муваффақият қозонган италиялик боксчи юрак хуружига учради. Бу ҳақда "Boxing Scene" хабар бермоқда.

1992 йилда Шон-шараф залига киритилган ва 82 ғалаба (35 нокаут), етти мағлубият ва битта дуранг қайд этган Бенвенути ҳақли равишда тарихдаги энг яхши жангчилардан бири сифатида тан олинган. Унинг услуби ва кучи барча рақибларни даҳшатга соларди. Эмил Гриффит, Дик Тигер, Луис Родригес ва Карлос Монзон Нинони эътироф этишгани ҳам бежиз эмас.

1960 йилда Муҳаммад Али (ўша пайтда Кассиус Клей) олтин медални қўлга киритган ўша Рим Олимпиадасида Бенвенути энг яхши боксчиси сифатида Вэл Баркер кубоги билан тақдирланиб, турнирнинг ўрта вазн тоифасидаги бош совринини қўлга киритганди.