Afsonaviy bokschi 87 yoshida vafot etdi

O‘tgan asrning 60-70 yillarida o‘rta vazn toifasida sobiq jahon chempioni Nino Benvenuti 87 yoshida olamdan o‘tdi. Nafaqat sportchi, balki aktyor sifatida ham muvaffaqiyat qozongan italiyalik bokschi yurak xurujiga uchradi. Bu haqda "Boxing Scene" xabar bermoqda.

1992 yilda Shon-sharaf zaliga kiritilgan va 82 g‘alaba (35 nokaut), etti mag‘lubiyat va bitta durang qayd etgan Benvenuti haqli ravishda tarixdagi eng yaxshi jangchilardan biri sifatida tan olingan. Uning uslubi va kuchi barcha raqiblarni dahshatga solardi. Emil Griffit, Dik Tiger, Luis Rodriges va Karlos Monzon Ninoni e’tirof etishgani ham bejiz emas.

1960 yilda Muhammad Ali (o‘sha paytda Kassius Kley) oltin medalni qo‘lga kiritgan o‘sha Rim Olimpiadasida Benvenuti eng yaxshi bokschisi sifatida Vel Barker kubogi bilan taqdirlanib, turnirning o‘rta vazn toifasidagi bosh sovrinini qo‘lga kiritgandi.