Агуэро Машарипов билан бир жамоада ўйнаши мумкин

Аргентиналик ҳужумчи Серхио Агуэро фаолиятини Осиёда давом эттириши мумкин. Бу ҳақда "Goal" нашри хабар тарқатди.

Манбанинг маълум қилишича, 32 ёшли форвардга Саудия Арабистонининг икки клубидан қизиқиш бор. "Ал Шабаб" ва "Ал-Насср" жамоалари  ҳужумчини ўз сафига қўшиб олишга тайёр ва унга юқори маош таклиф қилмоқда.  Агуэронинг "шаҳарликлар" билан шартномаси мавсум сўнггида якунланади ва эркин агент мақомида жамоани тарк этади.

Жорий мавсум Серхио 10та ўйинда майдонга тушиб, 2та гол уришга эришган. Футболчи хизматига Европанинг топ клубларидан ҳам таклифлар мавжуд.

Маълумот учун, "Шабаб Ал Аҳли" сафида ижара асосида ҳаракат қилаётган Жалолиддин Машариповнинг трансфер ҳуқуқи "Ал Насср"га тегишли. Янги мавсумни легионеримиз Саудия клубида бошлайди.