"Андижон" ўзгаришларни бошлаб юборди. Эртага жамоада йиғилиш

"Aндижон" клуби раҳбариятида ўзгаришлар юз бермоқда. Жумладан, клуб спорт директори Исломбек Рустамов, жамоа бошлиғи сифатида фаолият юритиб келган Маъруфжон Тўрақулов ва ташқи ишлар бўйича директор ўринбосари Икромжон Муҳитдинов ўз лавозимидан озод этилди.

Клуб матбуот хизматининг хабар беришича, 3 январь куни "Соғлом Aвлод" ўйингоҳида "Aндижон" футбол клуби раҳбариятининг йиғилиши бўлиб ўтади.

Унда жамоа келажаги, олдинга қўйилган мақсадлар ва режалар ҳақида сўз боради. Анжуман эртага соат 10:00да бошланади.

Фикрлар

Фикр қолдириш учун авторизациядан ўтинг!