Андрей Шипилов: "Истеъфога чиқаман, қўлимдан келмади"

Суперлига 11-турининг қолдирилган учрашуви доирасида «Динамо» Самарқандда «Насаф»га йирик ҳисобда (0:4) мағлуб бўлгач, «Динамо» бош мураббийи Андрей Шипилов матбуот анжуманида истеъфога чиқишини билдирди.

- Бугунги ўйин ҳақида нима ҳам дердим... Биз биринчи голни ўтказиб юборгунча яхши ўйин намойиш этдик. Жамоа характер кўрсата олмади. Футболда жамоа ўз иродасини намойиш эта олмаса, бу бош мураббийнинг айби. «Динамо» қўл остимда 5 та ўйинда майдонга тушиб, бирорта ҳам ғалаба қозонмаган экан, мен истеъфога чиқаман. Яхшиси, янги мураббий келсин, жамоани бироз руҳлантирсин. Айни дамда жамоага ўзгаришлар керак. Раҳбариятдан ва самарқандлик мухлислардан узр сўрайман. Қўлимдан келганини қилдим. Аммо бу вазифани уддалашим учун етарли бўлмади. «Динамо»га омад тилайман. Бу ҳаёт.

- Истеъфо жамоанинг натижалари билан боғлиқми?

- Ҳа, натижа қониқарсиз бўлса жамоага ўзгаришлар керак бўлади. Натижа йўқ экан, мураббий кетиши керак.

Ҳозирда таркибдаги муаммолар – Эркин Бойдуллаевнинг сариқ карточкалари сони 4 тага етгани учун ўйнай олмагани, Марат Бикмаев машғулотлардаги жароҳати сабаб ўйнамагани, Йовановичнинг жароҳати сабаб тўп сурмаётгани ҳақида гапириш, баҳонадек кўриниб қолади. Таркибда яна 17 нафар футболчи бор, улар майдонга туша олмаган ўйинчилар ўрнини тўлдириши керак.

Бугун ўйинни яхши бошладик, аммо ҳимояда қўпол хатоларга йўл қўйдик, ахмоқона пенальти барчасини ўзгартириб юборди. Жамоа ўзгаришларга муҳтож. Янги мураббий келиши керак, яна 13 тур бор, вазият ҳали фожиали эмас. Ким келса, у натижаларни яхшилаши лозим. Мен вазиятни ўнглаш учун ҳамма ишни қилдим, аммо бу қўлимдан келмади. Барчага раҳмат.

“Динамо” матбуот хизмати.