Англия клуби бирданига учта зўр футболчини қўлга киритди

Ёзги трансфер ойнаси ёпилиши арафасида “Кристал Пэлас” ҳимоячи Бен Чилуэлл, ярим ҳимоячи Квинтен Тимбер ва вингер Дарио Осорио билан шартнома имзолаб, таркибини кучайтирди.

Чилуэлл “Страсбур” билан шартномаси ўтган мавсум охирида тугаганидан сўнг эркин агент сифатида “Пэлас”га қўшилди.

Шу тариқа 29 ёшли англиялик футболчи 2024/25 йилги мавсумнинг иккинчи ярмини “Челси2дан ижара асосида ўтказган ва Англия Кубоги соҳиби бўлган клубига қайтди.

“Арсенал” ҳимоячиси Юрриен Тимбернинг эгизак акаси Квинтен Тимбер “Пэлас”га 20 миллион евро (17,2 миллион фунт)га тушди ва 2031 йилгача мўлжалланган шартнома имзолади.

25 ёшли нидерландиялик футболчи “Селхерст Парк”га “Марсель”дан келди. У “Марсель”га жорий йил январь ойида “Фейеноорд”дан қўшилган эди.

Ниҳоят, Осорио “Мидтьюлланд”дан “Пэлас”га 30 миллион евро (25,7 миллион фунт)га сотиб олиш опцияси билан ижарага ўтди.

22 ёшли чилилик футболчи 2023 йил ёзида Дания клубига ўтганидан буён “Мидтьюлланд” сафида 121 та учрашувда 25 та гол урди ва 18 та голли узатмани амалга оширди.