Англия клуби мундиалда можарога сабаб бўлган футболчи учун катта сумма тикди

“Тоттенхэм” таркибини кучайтириш мақсадида “Монако”га ҳужумчи Фоларин Балогунни 60 миллион евро эвазига сотиб олиш бўйича таклиф киритди.

Бу ҳақда L’Équipe хабар берди.

Манба маълумотига кўра, Лондон клуби 25 ёшли ҳужумчини харид қилиш пойгасида олдинга чиқди. Жумладан, “шпорлар” рақобатда “Ньюкасл”ни ортда қолдирди. “Монако” АҚШ терма жамоаси футболчисини сотиш бўйича музокараларга тайёр.

Ўтган мавсумда Балогун барча турнирларда 43 та ўйинда иштирок этиб, 19 та гол урди ва 5 та голли узатмани амалга оширди. Футболчининг клуб билан амалдаги меҳнат шартномаси 2028 йил ёзигача мўлжалланган. Transfermarkt портали маълумотига кўра, футболчининг бозор қиймати 50 миллион еврони ташкил этади.

Эслатиб ўтамиз, 2026 йилги жаҳон чемпионатида ФИФА АҚШ президенти Дональд Трамп аралашуви билан Балогуннинг дисквалификациясини кечиктириб, Бельгия терма жамоасига қарши плей-офф учрашувида иштирок этиш ҳуқуқини берган эди.