Angliya klubi qimmat transferga rozi bo‘ldi

Angliya Premier-ligasining eng badavlat klublaridan hisoblangan “Nyukasl Yunayted” asosiy yulduzlaridan Entoni Gordon transferi bo‘yicha takliflarni ko‘rib chiqishga tayyor.

Bu haqida The Times nashri xabar berdi.

Manbaga ko‘ra, 25 yoshli angliyalik futbolchi uchun kamida 86 million yevro talab qilinmoqda. Avvalroq, unga “Liverpul” va “Arsenal” qiziqish bildirgani aytilgan edi.

Ammo asosiy da’vog‘ar sifatida Germaniya chempionligiga 35-marta sazovor bo‘lgan “Bavariya” klubi ko‘rilmoqda. Yaqin vaqtlarda o‘yinchi va nemis klubi vakillari transfer masalasida muzokara boshlashi kutilmoqda.

Shuningdek, “Nyukasl” futbolchini sotishdan taxminan 90-100 million yevro ishlab topishni rejalashtirmoqda.

Joriy mavsumda Gordon barcha musobaqalarda 45 ta o‘yin o‘tkazib, 17 ta gol va 5 ta golli uzatmani amalga oshirdi. Uning klub bilan shartnomasi 2030 yil yoziga qadar amal qiladi. Transfermarkt ma’lumotiga ko‘ra, futbolchining bozor qiymati 60 million yevroni tashkil etadi.