Англия Суперкубогида янги қоида ишга тушади
2017/18 йилги мавсумдан эътиборан Англия Суперкубогида ўйиндан кейинги пеанльтилар сериясида тепиладиган зарбалар кетма-кетлиги бошқача бўлади.
Бундай амалиётга “АBBA” деб ном ҳам берилган. 6 август куни “Арсенал” ва “Челси” жамоалари ўртасидаги Суперкубок учун баҳснинг асосий ва қўшимча бўлимларида ғолиб номи аниқланмаса, ушбу янги тизим илк бор Англияда амалда синаб кўрилиши мумкин.
“АBBА” тизими бу худди теннисдаги тай-брекни эслатади. Яъни шартли “А” жамоаси биринчи зарба беради. Кейинги икки зарбани эса шартли “B” жамоаси йўллайди.
Ушбу қоида туфайли, ҳозирги тизимда иккинчи бўлиб зарба берадиган жамоага тушадиган босим камайиши кузатилади.
Зеро, ҳозирги пенальтилар сериясини бошлаб берган 60 % жамоа якунда ғалаба қозонади.
Ушбу тизим Англия Кубоги ва Лига кубогида ҳам синалиши режалаштирилган.
Фикрлар