UFC жангчиси Жейк Полни фирибгарликда айблади

UFC жангчиси Даррен Тилл боксчи-блогер Жейк Пол билан жанг бўйича барча шартлар келишилгани, аммо америкалик кутилмаганда бошқа рақибни танлаганини айтди.

"Музокаралар жуда яхши кетаётганди ва ҳатто гонорар бўйича ҳам келишиб олгандик. Улар ўзлари мен билан боғланишди. Мен эмас. Мен ҳаммаси ҳал бўлган деб ўйлагандим. Икки ҳафтдан бери Дубайда йиғиндаман. Жангга етти ҳафта қолгани учун мураббийимни ҳам шу ерга олиб келдим. Кейин эса кутилмаганда Седрик Думбе билан ана шу бемаъни жангни эълон қилишди. Менимча, уни ўз уйидан ташқарида деярли ҳеч ким танимайди.

Менимча, Жейк шунчаки 70 килограмм атрофидаги жангчининг зарбаларидан кейин жағи қандай ҳолатда бўлишини текшириб кўрмоқчи. Бу ҳақиқий жанг эмас, сохта шоу.

Пол — фирибгар. Накиса Бидариан ҳам майда фирибгар. Улар вақтимни беҳуда сарф қилди. Мураббийимни олиб келиш ва йиғин ташкил қилиш учун тахминан 5000 фунт стерлинг сарфладим. Майли, энди бўлар иш бўлди", — деди Тилл Ариэль Хелванига берган интервьюсида.

Эслатиб ўтамиз, бир неча кун аввал Жейк Пол 24 декабрь куни Дубайда Седрик Думбега қарши рингга чиқишини маълум қилди.