Англияда рекорд трансфер амалга оширилди

Англия Премьер-лигаси иштирокчиси “Брентфорд” рақиб жамоа – “Борнмут”дан ҳужумкор футболчи Данго Уаттарани қилди.

Transfermarkt портали қайд этишича, “Брентфорд” буркина-фасолик легионер учун 42,8 миллион евро харажат қилган.

Шу тариқа, бу “Брентфорд” клуби тарихидаги энг қиммат савдо сифатида рекорд натижа ўлароқ ёзилди.

Уаттара янги жамоаси билан беш йиллик битим имзолади. Томонлар келишувга кўра, ҳамкорликни яна бир йилга узайтириши мумкин.

- Биз Дангони қўлга киритганимиздан хурсандмиз. Бу ўйинчини олиш имконияти пайдо бўлиши билан биз ишга киришдик. Унинг Премьер-лигада тўплаган тажрибаси ва даражаси бизга маъқул келди.

Бундан ташқари бу ёш ўйинчи жамоамиз ўйин услубига мос тушади. У ҳужум чизиғимизга етишмаётган сифатларни олиб киради. Данго мухлисларни ўрнидан туришга мажбур қила оладиган ўйинчи,  - деди “Брентфорд” бош мураббийи Кит Эндрюс.