АПЛ. 27-тур натижалари ва турнир жадвалидаги ҳолат билан танишинг

Англия Премьер-лигасининг 27-туридан ўрин олган барча учрашувлар ўз ниҳоясига етди. Мазкур тур доирасида ҳам бир қатор қизиқарли ва кескин баҳслар бўлиб ўтди.

Хусусан, чемпионлик учун асосий даъвогар ҳисобланган "Арсенал" сафарда "Тоттенxэм"га қарши ўйинда 4:1 ҳисобида ғалаба қозониб, муҳим очколарни қўлга киритди.
"Канонирлар"нинг асосий рақобатчиси саналган "Манчестер Сити" эса ўз уйида "Ньюкасл"ни 2:1 ҳисобида мағлуб этиб, пешқадамни қувишда давом этмоқда.

Шунингдек, "Ливерпуль" ҳамда "Манчестер Юнайтед" жамоалари ўз баҳсларида рақибларини таслим қилган бўлса, "Челси" "Вест Xэм" билан дуранг қайд этди.

Маълумот учун, айни пайтда Микель Артета шогирдлари 61 очко билан турнир жадвалида пешқадамлик қилмоқда. Иккинчи ўринда 56 очко жамғарган "шаҳарликлар" жойлашган. Кучли учликни эса 51 очкога эга "Астон Вилла" жамоаси якунлаб бермоқда.

Қуйида 27-турда қайд этилган барча натижалар ҳамда турнир жадвалидаги ҳолат билан танишиб чиқишингиз мумкин.